MAMA YAKE DROGBA AWAPIKIA CHAKULA MASHABIKI!!

Mama Drogba akiwa kazini

Wakati mshambuliaji wa Ivory Coast Didier Drogba akiwa uwanjani, mama yake anawapikia chakula mashabiki wa nchi yake katika michuano ya Kombe la Mataifa ya Afrika.


Clotilde Drogba amefungua mgahawa karibu na uwanja wa mpira katika viunga vya mji mkuu wa Equatorial Guinea, Malabo, limeripoti shirika la habari la AP.


Mama huyo anapika kuku na samaki na wali, ndizi na vyakula vingine kwa ajili ya mashabiki, wakati mwanaye akila chakula cha hoteli aliyofikia pamoja na wachezaji wenzake.


Mama yake Drogba pia alipika chakula kwa ajili ya mashabki wakati wa Kombe la Dunia mwaka 2006 nchini Ujerumani.

IKULU YAKANUSHA JK KUBARIKI POSHO ZA WABUNGE!!

TAARIFA KWA VYOMBO VYA HABARI:

Gazeti la Mwananchi la leo, Jumanne, Januari 31, 2012 limeandika habari zenye kichwa cha habari – JK abariki posho mpya za Wabunge: Kila mmoja kulipwa sh 330,000 kwa siku.
Habari hizi siyo za kweli na Kurugenzi ya Mawasiliano ya Rais inataka kutoa ufafanuzi ufuatao: 
Maelekezo ya Rais wa Jamhuri ya Muungano wa Tanzania Mheshimiwa Jakaya Mrisho Kikwete kuhusu suala hili yako wazi kabisa na hakuna mahali ambako Rais Kikwete amebariki posho hizi.
Maelekezo ya Mheshimiwa Rais kuhusu suala hili ni kama ifuatavyo:
Kwanza, Mheshimiwa Rais Kikwete anakubali haja ya kuangalia upya posho kwa Wabunge lakini amewataka  wabunge kutumia hekima na busara katika kulitafakari suala hili.
Pili, Mheshimiwa Rais Kikwete amewataka Wabunge kutumia Kikao cha sasa cha Bunge kulizungumza upya suala hilo.
Mwisho.
Imetolewa na:
Kurugenzi ya Mawasiliano ya Rais,
Ikulu.
Dar es Salaam.
31 Januari, 2012

SENEGAL POLICE DEPLOY FOR BANNED OPPOSITION M23 RALLY!!

A large number of Senegalese police have deployed in central Dakar to prevent a banned opposition rally from taking place in the capital.


The opposition grouping, June 23 Movement (M23), is objecting to President Abdoulaye Wade's plans to stand for a third term in office.


Two people were shot dead on Monday in Podor town during protests after a court ruled Mr Wade's bid was legal.


The M23 say they intend to march on the presidential palace.

MADAKTARI 15 WA JESHI WATUA MUHIMBILI!!

Wauguzi wa Hospitali ya Taifa ya Muhimbili wakiwa bado kwenye mgomo katika viwanja vya hospitali hiyo Dar es Salaam wakati madaktari wa jeshi wakiletwa hospitalini hapo kutoa huduma.

Kikosi cha madaktari kumi na tano kutoka jeshi la wananchi wa Tanzania (JWTZ) leo kimepelekwa katika hospitali ya taifa Muhimbili kutoa huduma baada ya waliokuwa madaktari katika hospitali hiyo kuwa katika mgomo usio na kikomo na uliosababisha huduma za afya kuzorota.

Baadhi ya madaktari hao wamekuwa wakitoa huduma katika kitengo cha wagonjwa wa dharura, ambapo kwa mujibu wa Afisa Uhusiano wa hospitali hiyo, Bw. Aminiel Aligaesha, madaktari wengine wanatarajia kuwasili hospitalini hapo kutoka wizara ya Afya pamoja na taasisi nyingine zinazotoa huduma za Afya.

WAZIRI WA AFYA AFANYA ZIARA HOSPITALI YA MUHIMBILI!!

Waziri wa Afya Dk. Haji mponda

Habari za hivi punde ni kuwa  Waziri wa Afya Dk. Haji mponda amefanya  ziara ya kushtukiza katika hospitali ya taifa ya muhimbili na Taasisi ya mifupa ya muhimbili (MOI)  kufuatilia utendaji.

Akizungumza na waandishi wa habari Dk Mponda amesema mpaka sasa ametembelea baadhi ya maeneo na kuainisha kuwa huduma zinaridhisha.

Aidha ameeleza kuwa sehemu inayosuasua ni emergency department, ambapo madaktari kutoka jeshi la wananchi Tanzania (JWTZ) wamewekwa kuziba maeneo ya wazi.

Nae mkurugenzi wa MOI Prof Laurence Museru amesema katika taasisi hiyo wanaendelea kujitahidi kuhudumia wagonjwa kulingana na namba ya  Specialist 30 walioko kazini

TUGHE YAMSHAURI WAZIRI MKUU PINDA!!

Waziri Mkuu wa Tanzania Mhe. Mizengo Pinda

Chama cha wafanyakazi wa serikali kuu na afya hapa nchini(TUGHE) kimemuomba Waziri Mkuu wa Tanzania Mhe. Mizengo Pinda kukutana tena na viongozi wa chama cha madaktari (MAT) na kusikiliza kero zao licha ya kumkwepa kiongozi mkuu huyo wa serikali siku ya Jumapili iliyopita


Wito huo umetolewa mjini Musoma na Katibu Mkuu wa TUGHE Taifa Ally Kiwenge baada ya viongozi wa chama hicho cha madaktari kushindwa kuonana na Waziri Mkuu ikiwa ni sehemu ya kutafuta suluhu ya sakata la mgomo wa madaktari.


Bw. Kiwenge amesema kuwa kimsingi ameshangazwa na hatua hiyo ya ujumbe wa MAT wa kushindwa kumuona Mizengo Pinda licha ya mawasiliano na taratibu zote za kumtaka waonane naye kukamilika na matokeo yake kutofika katika meza ya mazungumzo kwa hatua zaidi na kuongeza kuwa bila majadiliano kero zao hazitaweza kushughulikiwa.


 Amesema Waziri Mkuu akiwa kama mwajiri  anamshauri kukubali tena kuonana na ujumbe huo wa MAT katika meza ya mazungumzo ili waweze kusikiliza hoja za kila upande na kuzitafakari kwa pamoja kabla ya kufikia muafaka utakaoleta muafaka kati ya pande hizo mbili za mwajiri na mwajiriwa.

SERIKALI KUUNDA SERA YA KUWA NA CHOMBO KIMOJA CHA KUPAMBANA NA DAWA ZA KULEVYA!!

Waziri wa nchi ofisi ya waziri mkuu sera, uratibu na bunge, mh. wiliam lukuvi Bungeni mjini Dodoma.

Serikali ya Tanzania ipo katika  mchakato wa kuunda sera itakayowezesha kuwa na chombo kimoja cha kupambana na tatizo la matumizi na uingizwaji wa dawa za kulevya nchini.

Waziri wa nchi ofisi ya waziri mkuu sera, uratibu na bunge, mh. wiliam lukuvi ameyasema hayo wakati akijibu swali la mbunge wa Matembwe Mh. Kheri Ameir aliyetaka kujua ukubwa wa tatizo la matumizi ya dawa ya kulevya kitaifa na mipango ya kukabiliana nayo.

Mh. Lukuvi amesema, baada ya serikali kukaa vikao mbalimbali na kubaini kuwa na kitengo cha kuratibu mapambano dhidi ya dawa za lulevya, pamoja na jeshi la polisi kuwa na kitengo cha kupambana na dawa hizo sasa imeamua kuwa na kitengo kimoja ili kuongeza ufanisi.

Amesema hatua za kuundwa na chombo hicho ipo katika ngazi za juu za kitaifa kutokana na kutambua tatizo la matumizi ya dawa za kulevya katika takwimu za mwaka 2000 -2010 ambazo zimeonyesha kiasi cha dawa za kulevya kilichokamatwa na idadi ya watuhumiwa kuongezeka.

OBAMA AFICHUA SIRI ZA KIVITA ZA MAREKANI!!

Rais Obama akizungumza wakati wa kikao kilichoandaliwa na kampuni ya huduma za tovuti ya Google.

Rais Barrack Obama amekiri bayana kuwa jeshi la Marekani linatumia ndege za kivita zizizokuwa na rubani kulenga washukiwa wa wapiganaji wa kiislamu wa al Qaeda katika maeneo ya kiukoo nchini Paksitan.

Mashambulio ya kutumia ndege hizo za kivita yamekuwa mbinu kuu ya kupambana na wapiganaji wa al qaeda nchini afghanistan na Pakistan.

Kama sheria utawala wa rais obama haujadili mashambulio ya anga yanayotekelezwa na ndege za kivita zizizokuwa na rubani hadharani.

Na operesheni ya jeshi la marekani nchini Pakistan imekuwa jambo la siri.

AU YAMWONGEZEA JEAN PING MUDA WA KUBAKI MADARAKANI!!

Jean Ping

Umoja wa Afrika (AU) leo umeongeza muda wa kuwa madarakani kwa mtendaji mkuu wa umoja huo Jean Ping baada ya uchaguzi ambao hakupatikana mshindi ambapo Nkosazana Dlamini-Zuma wa Afrika kusini alikuwa anawania nafasi hiyo.


Mwenyekiti wa sasa wa umoja huo rais wa Benin Thomas Boni Yayi amesema katika taarifa yake kuwa wameamua kumuongezea muda Ping mpaka mpaka mwezi June wakati wa kikao kingine kitakachofanyika   Lilongwe nchini Malawi.


Ping raia wa Gabon ameiongoza  tume hiyo tangu mwaka 2008, na alikuwa akiwania muhula mwingine lakini alishindwa kupata theluthi mbili zinazohitajika katika mpambano ambapo mke wa zamani wa rais wa Afrika Jacob Zuma, Dlamini-Zuma alikuwa anawania nafasi hiyo ambapo serikali ya Afrika kusini imesema Dlamini atawania tena nafasi hiyo.

TAFAKARI.........

Thanks..Semkae Kilonzo

MAAFA MUHIMBILI!!

Wauguzi wakiwa nje ya hospitali Muhimbili

Siku moja tu baada ya Waziri Mkuu Mizengo Pinda kuwataka madaktari kusitisha mgomo na kurejea kazini vinginevyo watajifukuzishwa kazi, hali imezidi kuwa mbaya katika hospitali ya Taifa Muhimbili na jana viliripotiwa vifo 10.


Mbali na hali ya vifo hivyo, madaktari wachache tu ndio walioripoti kazini jana, huku wengi wao wakiendelea na mgomo na wengine wakiishia kusaini kitabu cha mahudhurio kazini bila kuhudumia wagonjwa.


Mwenyekiti Chama cha Wauguzi Muhimbili (Tanna), Paul Magesa, akizungumza na waandishi wa habari jana alisema wamseshuhudia maiti 10 ndani ya wodi mbalimbali ambazo hazijathitishwa vifo na madaktari hadi ilipotimia jana mchana.


Wakati hali ikiwa hivyo, wauguzi nao jana waliungana na madaktari kugoma kufanya kazi wakitaka Pinda afute kauli yake ya kutaka kuwafukuza madaktari, ambao wangeendelea na mgomo jana.

NYOKA WANAOZALIANA KWA KASI WAACHIWA NA KUANZA KULA WANYAMA!!

Kwa zaidi ya karne moja imekuwa ikisemekana kwamba nyoka wakubwa aina ya
Python wamesambaa katika sehemu iitwayo Everglades, kusini mwa jimbo la Florida.


Hata hivyo leo nyoka hao wamekuwa kitu halisi na wamesambaa sehemu kubwa ya eneo hilo.Nyoka wanaojulikana kama Burmese Pythons, ambao ni kati ya nyoka wakubwa zaidi duniani wamekuwa wakizaliana kwa kasi mno na kusambaa eneo hilo kiasi cha kutishia idadi ya wanyama wanaoishi huko.


Tayari zaidi ya nyoka 1000 wameshaondolewa kutoka Everglades tangu mwaka 2002, lakini idadi hiyo ni sehemu ndogo tu ya idadi halisi ya nyoka waliozagaa eneo hilo.


Kuwepo kwa nyoka hao katika eneo hilo kwa sehemu kumechangiwa na kuachiwa na watu waliokuwa wakiwafuga, ambao wameshindwa kuendelea kukaa nao kwa sababu ya kukua mno.Hali hiyo inaweza kuwa na madhara kwa maisha ya viumbe
wa eneo hilo kwa kuwa nyoka hao hula ndege na wanyama wa aina mbalimbali, wakiwemo jamii ya mamba.


Kutokana na kula kwao viumbe wa asili pamoja na kushindana na wanyama wawindaji wa eneo hilo, nyoka hawa wanaweza kuharibu utaratibu wa asili wa ikolojia ya Everglades.Hamu yao kubwa ya kula inaweza kuhatarisha zaidi wanyama walio katika hatari ya kutoweka ambao binadamu wanajaribu sana kuwa tunza.


Jitihada zinaendelea kujifunza zaidi namna ya kudhibiti idadi ya nyoka hao na kuzuia wengine wasiingie katika eneo hilio.

WEZI WA MIFUGO WAUWA WATU 40 SUDAN YA KUSINI!!

Maeneo ya wafugaji Sudan

Maafisa wa serikali katika Sudan Kusini wanasema takribani watu 40 wameuwawa na kundi la watu wenye silaha waliokwenda kuiba mifugo.

Baadhi ya taarifa zinasema idadi ya watu waliouwawa ni zaidi ya 100 kwenye uvamizi, huo uliotokea kwenye kambi moja katika jimbo la Warrap.

Waziri wa mambo ya ndani wa Sudan Kusini ameilaumu serikali ya Sudan kwa kuwapa silaha washambuliaji hao, ambao ni kundi la wapiganaji kutoka jimbo jirani la Unity.

Mvutano umeendelea kuwepo tangu Sudan Kusini ilipojitenga kutoka Sudan mwezi Julai, kufuatia vita vilivyochukua miaka mingi.

MAKALA YA MDAU DEOGRATIUS KILAWE:KUFIKIRIA LEO KWANIPA MAFANIKIO KESHO!!

Siku moja nilikuwa  nabadilishana mawazo  na vijana wenzangu kupitia email yangu,Je kwa siku wanachukua  masaa mangapi kufikiri?lakini hakuna hata mmoja aliyejitokeza na kusema kuwa angalau kwa mwezi mmoja ana muda wa kukaa chini na kutafakari mambo mbalimbali ya kimaendeleo katika  maisha yao au kwa lugha nyingine mambo yanatokeo kwa lolote liwe tu(haphazardly),nilisikitika sana,nikawa najiuliza sasa je kama vijana wa sasa wengi tumekosa muda wa kutafakari angalau nusu saa kwa siku je tunajitakia nini katika  maendeleo yetu sana sana ya   kiuchumi ya sasa na ya muda mrefu na yale  ya kijamii katika kuyatatua?ndugu msomaji fikiria tajiri dunia kama Bill Gates  kwa muda mrefu namba moja duniani anatumia muda wa mwenzi mmoja kwenda kwenda  katika kisiwa na  kufikiri ni jins gani aendeleze biashara yake,nilisha wahi andika makala  juu ya kutofikiri leo umempa mtu nafasi akufikirie na kisha kukutawala pasipo wewe kujua,ndugu yangu binadamu wote ni sawa ila tunafanyaje ili kuutimiza huu usawa?Ndugu ya asilimia 3% ya watu dunia wana malengo (plan) na wameyaandika ,asilimia 97%  ya watu dunian hawana malengo maishani mwao kwa lolote tu lile likitokea  nao  humo humo yaani kwao kufanikiwa ni bahati,hii ni kutokana na kukosa muda wa kufikri ili wajikomboe,sababu hii inasabisha asilimia kubwa sana unaona duniani inatawaliwa na watu wachache sana,Askofu  mkuu wa kanisa la Living faith  dunian kutoka Nigeria anasema anatumia muda wake mwingi kufikiri kuliko kusoma biblia na vitabu   vingine na kweli ni mmoja wa watu wenye mafanikio sana hapa kwetu Afrik kiuchumi,waafrika wengi wanapenda kufanikiwa lakini hawana hata sekunde moja ya kutafakari  je tutafika?kuna mambo mbalimbali niliwahi kujifunza kwa wanazuoni mbalimbali mmoja wapo ni Dr John Maxwell katika kitabu chake cha “Thinking for Change”,kuna jinsi mbali mbali za kufikiri ambazo zina tija kama ukiwa makini:

          1.kufikiri kwa zingatio moja(ondoa mambo mengine yote),uwezo wa kufikiri kwa kuondoa mambo yanayochanganya kwenye akili yako

          2.Kufikiri kwa ubunifu,uwezo wa kuvunja sanduku la mipaka yako na kugundua mawazo mapya kabisa

        3.kufikiri kimkakati,uwezo wa kutekeleza msisimuko wako na kutumaini kupata ufumbuzi kwa yasiyowezekana

        4.kufukiri kwa uhalisi,uwezo wa kujenga msingi imara juu ya kuweza kufikiri kwa uhakika

        5.kufikiri kiuwezekano,uwezo wa kuelekeza msisimuko wako na kutumaini kupata ufumbuzi kwa yasiyo wezekana

       6.Kufikiri kwa kukosoa,uwezo wa kukataa mipaka ya wazo lililozoeleka ili kupata matokeo yasiyoya kawaida

        7.kufikiri kwa pamoja,uwezo wa kuhusisha mawazo ya wengine ili kupata matokeo unganishi

       8.kufikiri kusipo kwa ubinafsi,uwezo wa kuwafikiria wengine na safari yao ili kufanikisha ushirikiano

      Mtu anayefikiri ana faida kubwa sana,kwanza hukoa muda mwingi wa ufanyaji jambo Fulani,kwa kuwa hutumia kanuni ya 20/80 huwa na kujiamini ya kutosha ambapo ni jambo la msingi,kuwavutia wengi jambo  unalolifanya maana huku kurupuka.Ni raisi sana kuanza kufikiria anza sasa kupanga muda ambao kila siku utapenda kuwa peke yako na hali ya utulivu ukitafakari muda mzuri mara nyingi ni asubuhi alfajiri,usiku saa pale ambapo hakuna usufumbufu,

       Ndugu yanguwatu wanasema mtu asiyekuwa na taarifa (habari)hana tofautina mnyama anayetembe barabarani  lolotelile laweza kumtoke aendako kwa kuwa hana taarifa,mimi nasema ukiwa haufikirii ni kumpa tikeki mtu anayefikiria kukutawala,anza sasa kuweka ratibu ya kufikiri kwa siku sana sana usiku au asubuhi,ufanye moyo wako uwe unatamani kujua mengi mazuri,,kuna faida nyingi za kufikiri ikiwepo kuongeza thamani ya jambo unalolifanya napia kuwavutia watu jambo unalolifanya,anzan sasa  anza leo.Maendeleo ya biashara zetu yanatokana na sisi tunavyofikiria,maendelo ya nchi tulionayo leo ni kutokana viongozi  wetu walivyofikiria je walikuwa makini au walikopi kutoka kwa wengine? unaweza amua leo  ukawa kati  ya kundi dogo la watu duniani wanafikiria ili usitawaliwe na wengine na uwe na maendeleo maana blue print yako inatokana na wewe unajituma kufikiri.

WRITER:Deogratius kilawe ni mfanyabiashara hapa daresalaam,mshauri masuala ya biashara

  0717109362au

email deogratiuskilawe@yahoo.com

HUDUMA MAHOSPITALINI ZAENDELEA KUWA MBAYA!!

Madaktari walio kwenye mgomo

Hali ya huduma za afya katika zahanati na vituo vya afya jijini Dar es Salaam nchini Tanzania ni mbaya kutokana na madaktari kuendelea na mgomo wao usio na kikomo licha ya waziri mkuu Mizengo Pinda jana kuwataka madaktari hao kuacha mgomo na kurejea kazini kuanzia leo.


Hii leo Madaktari hao wamesaini vitabu vya mahudhurio na kuondoka huku wakiacha idadi kubwa ya wagonjwa wakiwa hawana mtu wa kuwatibu hali inayotishiwa kutokea kwa vifo.


Katika kitengo cha dharura cha hospitali ya taifa Muhimbili, hali ni mbaya baada ya magari ya kubeba wagonjwa maarufu kama ambulance, kulazimika kugeuza na wagonjwa mahututi kutokana na kutokwepo kwa madaktari.

J MARTINS KUTUA BONGO VALENTINES!!

J martins

Mwanamuziki kutoka nchini Nigeria aliyefunga pingu za maisha hivi karibuni J martins anatarajiwa kutua Bongo Dar es salaam mwezi ujao kikazi zaidi.

J Martins ambaye kwa sasa yupo nchini Uingereza amezungumza katika Exclusive Interview kuwa anatarajiwa kupiga shoo siku ya wapendanao ''Valentines Day'' tarehe 14 Februari lakini mpaka sasa hajui nani atakayekayekuwa mwenyeji wake kutoka na dili hilo kupitia kwa Menejimenti ambayo imemtaarifu juu ya shoo hiyo.

Vile vile mwishoni mwa wiki hii ata release Single yake mpya ambayo haijaweka wazi kabla ya kutua hapa Bongo!!Ukitaka kujua mengi mengine zaidi endelea kutembelea Blog hii.

THE HELP TRIUMPHS AT SAG FILM AWARDS!!

Viola Davis was overcome with emotion when she accepted her award

 Viola celebrating with Octavia backstage

The Help: Octavia Spencer, middle, with her co-stars Emma Stone and Viola Davis in the hit movie

Tearful: Octavia Spencer wept tears of joy when she won the SAG for Outstanding Performance by a Female Actor in a Supporting Role for The Help in Los Angeles on Sunday night

Civil rights drama The Help has won three prizes at the Screen Actors Guild (SAG) awards, including best cast and best actress for Viola Davis.

Another of the film's stars, Octavia Spencer, was named best supporting actress.

"Dream big and dream fierce," Davis told the audience at Los Angeles' Shrine Auditorium on Sunday.

Silent movie The Artist, tipped for Oscar glory, could only manage one win, a best actor prize for Jean Dujardin.

The SAG awards are seen as a key indicator of which films and stars may come out on top at the Oscars.

Actors make up the biggest voting group in the Academy of Motion Picture Arts and Sciences, which picks the Oscar recipients.

Veteran Christopher Plummer was named best supporting actor for his portrayal of an elderly man who comes out to his family in Beginnners.

BONI YAYI MWENYEKITI MPYA UMOJA WA AFRIKA!!

Rais wa Benin, Thomas Boni Yayi

Viongozi wakuu wa Umoja wa Afrika wamechagua Rais wa Benin, Thomas Boni Yayi, kuwa mwenyekiti mpya wa Umoja huo kwa kipindi cha mwaka mmoja kuchukua nafasi kutoka kwa rais wa Guinea ya Ikweta, Teodoro Obiang Nguema.

Viongozi wa Umoja wa Afrika wanaokutana kwa siku mbili mjini Addis Ababa Ethiopia pia hii leo wanatarajiwa kumchagua mkuu wa baraza la amani na usalama wa Umoja wa Afrika kuchukua nafasi ya Jean Ping kutoka Gabon.

Ping anakabiliwa na ushindani mkali kutoka kwa waziri wa jamii wa Afrika Kusini Nkosazana Dlamini-Zuma. Afrika kusini imesema inaamini Nkosazana Zuma aliyekuwa mke wa rais Jacob Zuma ana nafasi kubwa ya kuchukua kiti hicho kutoka kwa Ping aliyeteuliwa mwaka wa 2008.

Mkutano huo wa kilele unafanyika katika makao makuu mapya ya umoja huo yaliojengwa na China mjini Adis Ababa. Kati ya maswala yatakayojadiliwa ni kuimarishwa bishara Afrika, mzozo wa Somalia na pia mzozo wa mafuta kati ya Sudan na Suda kusini.

SAKATA LA MGOMO WA MADAKTARI LACHUKUA SURA MPYA!!

Hali ilivyo katika hospitali ya Taifa Muhimbili katika wodi za wagonjwa hapo ni mlangoni kama unavyoona hakuna huduma zinazotolewa hospitalini hapo kufuatia mgomo wa madaktari.

Sakata la mgomo wa madaktari nchini Tanzania linazidi kuchukua sura mpya baada ya wataalamu hao kukataa hoja za ujumbe wa Serikali ulioongozwa na Waziri wa Nchi Ofisi ya Rais Utumishi, Hawa Ghasia huku wakigoma kusikiliza kauli yoyote kutoka kwa Waziri wa Afya na Ustawi wa Jamii Dk Hadji Mponda.

Uamuzi huo umekuja waakati mawaziri hao wakikumbwa na tafrani ambapotayari wauguzi katika Hospitali ya Taifa Muhimbili (MNH) na ile ya Mkoa wa Dodoma wametishia kusitisha utoaji huduma ifikapo Jumatatu kama masuala yao hayajapatiwa ufumbuzi.

NACTE YAANZISHA UTARATIBU MPYA!!

Katibu mtendaji wa NACTE Bw. Primius Didas Nkwera

 Baraza la taifa la elimu ya ufundi nchini Tanzania (NACTE) limeanzisha utaratibu mpya wa mitaala ya kufundishia vyuo.

Katibu mtendaji wa NACTE Bw. Primius Didas Nkwera ameainisha mambo matatu ikiwa ni pamoja na kuanzisha utaratibu mpya wa kujiunga na elimu ya juu 2012 kwa vyuo vikuu na visivyo vikuu,ambapo Tayari usajili umetolewa kwa vyuo 20 January 16 mwaka huu kwa ufafanuzi kuwa hatua hiyo itadhibitisha chuo kikamilisha masharti ya uwapo wake. na tatu Chuo kitakacho endesha mafunzo bila mitaala hii,vyeti vyake havitotambuliwa

BEYONCE KUJENGEWA SANAMU NYUMBANI KWAO!!

Baada ya kutawala na kufanya vizuri katika soko la muziki ikiwa ni pamoja na kupata tuzo kibao kutokana na kazi zake nyota wa Muziki ulimwenguni Beyonce au mama Ivy Blue anatarajia kupata kitu ambacho hajawahi kupata.

Mji wa nyumbani kwao alikozaliwa wa Houston,Texas nchini Marekani unapanga kujenga sanamu kubwa la nyota huyo.

Kampuni ya masoko ya Armdeonce Ventures kwa kushirikiana na makampuni ya umma na binafsi yatagharamia ujenzi huo unaotarajiwa kukamilika mwishoni mwaka ambapo wafadhili hao wataweka majina yao katika sanamu hiyo na kulipia mapato yatakayotolewa kwa waathirika wa Kimbunga cha Katrina na wa mafuriko katika miji ya Tennessee,Alabama na Mississippi.

ABDOULAYE WADE KUGOMBEA TENA URAIS SENEGAL!!

Rais Abdoulaye Wade

Mahakama Kuu ya Senegal imetupilia mbali kesi ya rufaa ya vyama vya upinzani na kuthibitisha kuwa Rais Abdoulaye Wade anaweza kugombea kiti cha urais wa nchi hiyo kwa mara ya tatu.


Upinzani umesema katiba ya nchi hiyo imeweka kikomo cha mihula miwili, lakini mahakama hiyo imesema Bw. Wade hafungwi na sheria hiyo kwa sababu, sheria hiyo ilipitishwa akiwa katika muhula wake wa kwanza.

NOVAK DJOKOVIC BINGWA AUSTRIAN OPEN!!

Novak Djokovic

Novak Djokovic kutoka Serbia, Jana alimshinda Rafael Nadal kutoka Uhispania, katika fainalil ya mashindano ya tennis ya Australian Open, iliyofanyika mjini Melbourne.


Djokovic anaendelea kuwa mchezaji wa kiume nambari moja ulimwenguni Djokovic alipata ushindi wa 5-7, 6-4, 2-6, 6-7, 7-5.


Pambano hilo sasa limeandikishwa katika historia kama shindano ambalo limechukua muda mrefu zaidi katika historia ya mashindano ya tennis ya Open.


Ushindi huo wa tatu mfululizo katika mashindano ya Grand Slam, umemchukua Djokovic muda wa saa tano, na dakika 53.


Pambano hilo limeandika historia pia kwa kuwa pambano la muda mrefu zaidi kwa mchezaji mmoja kwa mmoja katika mashindano ya Australian Open.

TWIGA STARS YAIFUNDISHA KAZI NAMIBIA!!

Mshambuliaji Asha Rashid ''Mwalala' akifanya mashambulizi

Mabao mawili mawili kutoka kwa washambuliaji Asha Rashid ‘Mwalala’ na Mwanahamisi Omari ‘Gaucho’, jana yaliiwezesha timu ya taifa ya wanawake, Twiga Stars, kuwachapa wenzao wa Namibia kwa kwa mabao 5-2, hivyo kuwatoa kwa jumla ya mabao 7-2 na kutinga raundi ya kwanza kuwania kufuzu Fainali za Mataifa Afrika kwa Wanawake (AWC), mechi iliyochezwa Uwanja wa Taifa.


Twiga iliyopewa nguvu ya kukabiliana na changamoto hiyo na mchango wa sh mil. 10 kutoka kwa ‘Marafiki wa Twiga’ kundi linaloundwa na wabunge wa Bunge la Tanzania na kiasi kama hicho kutoka Bohari ya Dawa Nchini (MSD), ililianza pambano hilo kwa kasi na uchu wa kuibuka na ushindi.


Harakati za Twiga zilizaa matunda dakika ya 21, ilipopata bao la kwanza kupitia Mwanahamisi Omari ‘Gaucho’, aliyeitendea haki krosi ya Asha Rashidi Mwalala, aliyeunasa mpira kutoka kwa beki Pulkeria Chalaji, aliyeanziwa fupi na mlinda mlango Fatuma Omari, kabla ya Namibia kuja juu na kusawazisha dakika ya 30.

SUDAN YA KUSINI YAACHA KUCHIMBA MAFUTA!!

Uchimbaji mafuta Sudan

Sudan Kusini imesema imesimamisha uchimbaji wa mafuta, na haitoanza tena hadi maswala yote yaliyobaki na jirani yake, Sudan Kaskazini, yanapatiwa ufumbuzi.


Mazungumzo baina ya nchi mbili hizo kuhusu swala la mafuta, yalivunjika Ijumaa.


Sudan Kusini inasafirisha mafuta kwa mabomba yanayopita Sudan Kaskazini, lakini nchi hizo hazijakubaliana juu ya ujira unaofaa kuiipwa Sudan Kaskazini.


Waziri wa Mafuta wa Sudan Kusini, Stephen Dhieu Dau, amesema Sudan Kaskazini lazima iondoke katika jimbo la mzozo la Abyei, na iache kuwasaidia kifedha wapiganaji.

MBUNGE JANUARY MAKAMBA KUWASILISHA HOJA BINAFSI KATIKA BUNGE LINALOANZA KESHO!!

Mhe. January Makamba

Mbunge wa Jimbo la Bumbuli nchini Tanzania January Makamba amesema anatarajia kuwasilisha hoja binafsi mbili katika bunge linaloanza kesho ikiwamo ya muswada wa sheria ya kudhibiti upangaji wa nyumba na muswada wa sheria ya kuwalinda watumiaji wa huduma za kifedha.


Akizungumza jijini Dar-Es-Salaam, Mbunge huyo wa Bumbuli amesema amelazimika kufanya hivyo kwa sababu karibia asilimia 60 ya wakazi wa mjini wanaishi katika nyumba za kupanga ambapo zaidi ya asilimia 40 ya mapato ya wananchi wanayatumia kulipia kodi za nyumba.


Amesema kukosekana kwa sheria kunawafanya wenye nyumba wajione wana haki bila ya wajibu, na kunapotokea majanga kama vile mafuriko au moto wapangaji hupoteza kila kitu na hawapati fidia huku serikali ikiwafidia wenye nyumba.

NCHI ZA KIAFRIKA ZIMETAKIWA KUHESHIMU HAKI ZA MASHOGA!!

Ban Ki-moon

Jengo jipya la Umoja wa Afrika lililopo mji mkuu wa Ethiopia Addis Ababa

Katibu mkuu wa Umoja wa Mataifa Bw. Ban Ki-moon amewataka viongozi wa kiafrika kuheshimu haki za mashoga.


Bw. Ban ameuambia mkutano wa umoja wa Afrika kuwa Ubaguzi wa kijinsia umekuwa haushughulikiwi na hata kuwekewa vizuizi na nchi nyingi kwa muda mrefu.


Mapenzi ya jinsia moja ni kinyume cha sheria kwa nchi nyingi za kiafrika hali iliyopelekea kuongezeka kwa kashfa kutoka kwa wanaharakati na nchi za Magharibi.


Mkutano wa siku mbili unaofanyika katika jengo jipya la Umoja wa Afrika lilipo mji mkuu wa Ethiopia Addis Ababa unatarajia kuteua mwenyekiti mpya wa tume ya umoja wa Afrika.

JENGO JIPYA LA MAKAO MAKUU YA UMOJA WA AFRIKA ADDIS ABABA!!

Jengo jipya la Makao Makuu ya Umoja wa Afrika (AU) lililozinduliwa na Rais wa China Bw Hu Jintao jijini Addis Ababa leo January 29,2012 Jengo hilo, ambalo limegharimu dola milioni za Kimarekani, limejengwa kwa udhamini wa China

CHEKA AMTWANGA NYIRAWILA!!

Cheka akimwonyesha ubabe Nyirawira

Bondia Karama Nyirawila wa Dar es Salaam, ambaye aliamua kulitema taji la dunia la WBO, ili acheze pambano lisilo la ubingwa dhidi ya Francis Cheka ‘SMG’ wa Morogoro, amejikuta akipoteza mchezo huo uliochezwa kwenye Uwanja wa Jamhuri mjini Morogoro.


Licha ya kupoteza pambano hilo, lakini mashabiki waliofika uwanjani hapo waliondoka wakiwa wamesuuzika vilivyo kutokana na ushindani na uwezo uliooneshwa na mabondia hao.


Baada ya majaji kutoa uamuzi wao, Karama ambaye alitwaa tuzo ya Chama cha Waandishi wa Habari za Michezo Tanzania (TASWA) ya Bondia Bora wa Ngumi za Kulipwa kwa mwaka 2011, alisema ameridhika na matokeo.


Naye Cheka amesema anafurahi kupata ushindi huo kwa kuwa hajawaangusha mashabiki wa ngumi wa mkoa wa Morogoro ambao wamekuwa wakimpa sapoti kubwa ikiwemo kujitokeza kwa wingi katika kila pambano analilocheza.

KAMATI YA BUNGE YA HESABU ZA MASHIRIKA YA UMMA (PAC)YAMBANA MKURUGENZI MKUU WA SHIRIKA LA VIWANGO TANZANIA (TBS), CHARLES EKELEGE NA KUMSHUTUMU KWA UTENDAJI WAKE MBOVU!!

Mkurugenzi Mkuu wa Shirika la Viwango Tanzania (TBS), Charles Ekelege wakati wa kikao hicho

Makamu Mwenyekiti wa Kamati ya Bunge ya Hesabu za Mashirika ya Umma (PAC), Deo Filikunjombe (kulia), akimshutumu Mkurugenzi Mkuu wa Shirika la Viwango Tanzania (TBS) Charles Ekelege (picha ya juu) kwa utendaji wake mbovu, uliojaa utapeli ambao Kamati hiyo iliugundua katika ziara nje ya Nchi ya kukagua kampuni za ukaguzi wa magari yanayoingizwa nchini. Filikunjombe alikuwa anazungumza hayo katika kikao cha kamati za Bunge za Hesabu za Serikali (POAC) na PAC cha kujadili utendaji wa Wizara ya Viwanda na Biashara, Dar es Salaam

Mkurugenzi Mkuu wa Shirika la Viwango Tanzania (TBS), Charles Ekelege akizungumza na wanahabari baada ya sakata hilo, hata hivyo hakutaka kufafanua jambo lolote.

Kamati ya Bunge ya Mashirika ya Umma (POAC) imemlipua Mkurugenzi Mkuu wa Shirika la Viwango Nchini (TBS), Charles Ekelege baada ya kubaini kuwa shirika hilo lina ofisi hewa za ukaguzi wa magari nje ya nchi.


Imesema kutokana na hali hiyo fedha za ukaguzi zinazotolewa na wanunuzi wa magari, zinaishia mikononi wa wajanja huku ikisisitiza kuwa itaanika madudu mengine ya TBS katika kikao cha Bunge kinachoanza wiki ijayo na kwamba hali hiyo ndio chanzo cha kujazana kwa magari mabovu nchini. Akizungumza katika kikao cha Kamati ya Hesabu za Serikali, (PAC), Makamu Mwenyekiti POAC, Deo Filikunjombe alisema waligundua madudu hayo baada ya kamati yake kutembelea vituo vya ukaguzi wa magari nchini Singapore na mjini Hong Kong, China.


Wakati Filikunjombe akieleza hayo mbele ya Katibu Mkuu wa Wizara ya Viwanda, Biashara na Masoko, Joyce Mapunjo, Ekelege alionekana kuishiwa nguvu na kupata mshangao. Mapema Mwenyekiti wa Kamati ya Hesabu za Serikali, John Cheyo alisema a walilazimika kuwaita wajumbe wa POAC katika kikao hicho kwa kuwa suala hilo ni nyeti. “Tulikwenda Hong Kong na Singapore na tumegundua kwamba TBS ni wababaishaji, huwezi kuamini anachokifanya Mkurugenzi (Ekelege) huko nje”,
“Ninasema haya bila woga wowote na hata nikiwekewa sumu, wajumbe wengine wa kamati yangu watasema,” alisema. Alisema walipotembelea Hong Kong, waligundua kuwa ukaguzi wa magari haufanyiki na kwamba fedha zinazotolewa na wanunuzi zinaliwa na wajanja.


Kwa mujibu wa kiongozi huyo wa kamati,Ekelege aliwapeleka katika ofisi hewa ambayo baadaye waligundua kuwa haikuwa ya ukaguzi wa magari. “Katibu (Mapunjo) ili ulinde heshima yako usimbebe Ekelege, tumekwenda Hong Kong na akatupeleka katika ofisi feki na tulipombana akasema kuwa aliomba kwa muda kuitumia ofisi hiyo,” alisema Filikunjombe. Alisema kampuni inayotumiwa na TBS kukagua magari nje ya nchi inapasaw ieleweke huku akifafanua kuwa wakati wakiwa Hong Kong, walinunua cheti feki cha TBS mtaani. “Huyu Ekelege si mkweli, ukaguzi wa magari haufanyiki sisi tumekwenda na kujionea wazi, ndio maana magari mengi yakifika hapa yanakuwa mabovu na gharama za usafirishaji na ukaguzi zinakuwa kubwa,” alisema Filikunjombe.


Kwa mujibu wa Filikunjombe baadhi ya watu waliowakuta katika kampuni hizo waliwaeleza kuwa Ekelege amekuwa akiwaeleza kwamba fedha za ukaguzi zinazopatikana wazitumie kununulia vifaa vya magari. Alisema walipokwenda Singapore pia hawakukuta kampuni ya kukagua magari na kwamba walipomuuliza Ekelege akashindwa kuwapeleka zilipo ofisi za ukaguzi wa magari. “Jamani mashirika yetu ya umma yananyonywa na wajanja wachache, fedha zinaliwa na wakati tupo huko tuliomba namba za simu na kupewa za uongo,” alisema Filikunjombe.


Alisema kama Mapunj) anambeba Ekelege, wao kama wabunge hawatakuwa tayari kuvumilia suala hilo huku akisisitiza kuwa wana mengi ya kuzungumza kuhusu mkurugenzi huyo. “Hayo ni machache sana kuna mengi ambayo kamati tumeyagundua katika ziara yetu na tutayaanika hadharani Dodoma,” alisema Filikunjombe.


Katika hali isiyokuwa ya kawaida Mbunge wa Mwibara (CCM), Kangi Lugora alisema walipokuwa nchini humo alitaka kupigana waziwazi na Ekelege baada ya kugundua jinsi walivyokuwa wakidanganywa kama watoto wadogo. Kwa upande wake Mbunge wa Viti Maalum (CCM), Ester Bulaya alisema a ripoti ya TBS inaonyesha kuwa ukaguzi wa magari ni Dola150 lakini ofisi hizo za ukaguzi zinataka zilipwe Dola300. “Mimi mwenyewe walitaka kunitapeli nilikuwa nataka kununua gari na wakanieleza niwatumie Dola300 wakati kawaida natakiwa kulipia Dola150, nilipowaeleza wakasema wana mtandao mkubwa na hata niende wapi siwezi kuwakamata,” alisema Bulaya.


Mapema Cheyo aliiponda ripoti ya TBS ya mwaka 2011 na kueleza kuwa ina upungufu mkubwa.
“Ripoti ina upungufu, kwanza haina takwimu zinazoonyesha magari mangapi yalikaguliwa na ukaguzi uliingiza fedha kiasi gani na zilizobaki ni kiasi gani” alisema Cheyo. Alisema licha ya taarifa ya CAG kueleza kuwa zoezi la ukaguzi wa magari halikufanyika ipasavyo, bado ukaguzi wa kucha bandia na nywele uliendelea kufanywa na kampuni hizo hewa.


“Hata vitu vilivyokaguliwa na kuonekana kuwa havifai haijulikani viko wapi, haijulikani kama vimetupwa ama laa, hakuna ushahidi vilikuwa kiasi gani” alisisitiza. Alisema kuwa kutokana na hali hiyo kamati yake haitaipitisha ripoti hiyo huku akimwagiza Mapunjo kuandaa upya ripoti hiyo na kuiwasilisha mbele ya kamati yake kabla ya Februari 2 na iwe imekaguliwa na CAG.


“Hakuna haja ya kuendelea kubishana tunaitaka wizara mpaka kufika Alhamisi ijayo (Februari 2) tupate takwimu zote na ziwe zimekaguliwa na CAG,” alisema Cheyo. Cheyo alimweleza Mapunjo kwamba kabla ya kumalizika kwa kikao cha Bunge mjini Dodoma watakutaka na Waziri wa Viwanda Biashara na Masoko na Kamati ya PAC na POAC ili kulijadili kwa kina suala hilo.


“Pia tutamweleza Spika wa Bunge ili kuona kama suala hili tunaweza kulifikisha bungeni ili wabunge watoe maoni yao,” alisema Cheyo. Ekelege anena Baada ya kikao hicho kumalizika Mwananchi lilimtafuta Ekelege ili ajibu tuhuma hizo ambapo alisema kuwa hawezi kuzungumza lolote huku akitaka atafutwe leo ofisini kwake.


Huku akionekana kuwa na kigugumizi Ekelege alisema,“Kwa leo siwezi kusema lolote kwa kuwa sina data (vielelezo), kesho (leo) njoo ofisini kwangu nitakueleza kila kitu, ila kwa sasa siwezi kusema lolote” alisema Ekelege Kauli ya Wizara Kwa upande wake Mapunjo alisema kuwa hawezi kueleza chochote kwa kuwa hajaipata ripoti ya CAG na kusisitiza kuwa atakapoipata ripoti atatoa ufafanuzi.

MBUNGE ALIYEPATA AJALI NCHINI UGANDA BADO YUPO KWENYE HALI MBAYA!!

Mbunge wa bunge la Uganda Nabila Nagayi Ssempala bado yupo katika hali mbaya kufuatia ajali mbaya iliyotokea Ijumaa usiku iliyohusisha gari la lake na gari la doria la polisi.


Madaktari katika hospitali ya kimataifa ya Kampala (IHK) wanapanga kumfanyia uchunguzi zaidi wa kina kufahamu chanzo kamili cha maumivu yake makali.


Gari la mbunge huyo lilikumbana na gari la polisi katika barabara ya Namirembe karibu na nyumba ya watoto ya  Sanyu Ijumaa usiku wakati akirejea kutoka kwenye mkutano wa hadhara wa kundi la  Action for Change (A4C) katika uwanja wa Wankulukuku .

WAFUASI 11 WA BOKO HARAM WAUWAWA NIGERIA!!

Jeshi la polisi nchini Nigeria limesema kuwa limewapiga risasi na kuwauwa wafuasi 11 wa kikundi cha wapiganaji wa Kiislamu, Boko Haram, kaskazini-mashariki mwa nchi hiyo.


Msemaji wa jeshi hilo ameeleza kwamba wapiganaji hao waliuwawa wakati wa mapambano katika mji wa Maiduguri, ambako kundi hilo lilianzishwa muongo mmoja uliopita.


Juma lilopita takribani watu 185 waliuwawa katika mji mwingine wa Kano kaskazini mwa Nigeria kwenye mashambulio kadhaa ya mabomu.

UHURU KENYATTA AGOMA KUJIUZURU KAMA NAIBU WAZIRI MKUU!!

Naibu waziri mkuu wa Kenya Uhuru Kenyatta

Naibu waziri mkuu wa Kenya Uhuru Kenyatta amesema hatojiuzuru wadhifa huo kufuatia mashtaka ya uhalifu dhidi ya binadamu yaliyothibitishwa na mahakama ya kimataifa ya makosa ya uhalifu (ICC).


Kenyatta amesema kamwe hataondoka katika kiti hicho licha ya mashinikizo kadhaa ya kumtaka aachie ngazi kama naibu waziri mkuu.


Pia ameendelea kusisitiza kubaki madaraka kama moja ya manaibu waziri wawili wa nchi hiyo na kuongeza kuwa kura ya kutokuwa na imani nae bungeni ndio pekee itakayomuondoa madarakani.

JUMUIYA YA KIARABU IMESIMAMISHA SHUGHULI ZAKE NCHINI SYRIA!!

Wananchi wa Syria wakiwa katika migomo

Jumuia ya Nchi za Kiarabu imesimamisha shughuli za ujumbe wake wa uchunguzi nchini Syria.


Kiongozi wa jumuia hiyo, Nabil el Arabi, amesema uamuzi huo ulichukuliwa kwa sababu ya hali kuzidi kuwa mbaya nchini humo, huku ghasia zikiongezeka.


Jumuia hiyo iliongeza muda wa safari ya ujumbe wake baada ya mwezi wa kwanza kumalizika, lakini nchi za Ghuba ziliondoa wachunguzi wao, na hivo kupunguza hadhi ya ujumbe huo.

WAZIRI MKUU PINDA LEO ATAKUTANA NA MADAKTARI WALIO KWENYE MGOMO!!

Waziri mkuu wa Tanzania Mhe. Mizengo Pinda leo Jumapili atakutana na madaktari jijini Dar es salaam ikiwa ni sehemu ya kupata suluhu ya mgomo wao usiokuwa na kikomo.


Taarifa iliyotolewa kwa vyombo vya habari na ofisi ya waziri mkuu imesema kuwa Mhe. Pinda atakutana na madaktari hao katika ukumbi wa Karimjee kuanzia saa nne kamili asubuhi.


Kwa mujibu wa taarifa hiyo madaktari hao kwa nyakati tofauti wamekuwa wakiomba kuonana na waziri mkuu na mara zote amekubali kuonana nao lakini hawakutokea.

MKURUGENZI WA RADIO AUWAWA SOMALIA!!

Mkurugenzi wa redio moja binafsi nchini Somalia amepigwa risasi na kuuwawa mjini Mogadishu.


Tovuti ya redio na televisheni ya kituo Shabelle, imeeleza kuwa watu wawili waliokuwa na silaha walimuuwa Hassan Osman Abdi karibu na nyumbani kwake ambapo haijulikani aliyefanya shambulio hilo.